भारतको गुजरात राज्यको भुजमा प्रचण्ड

भारतको गुजरात राज्यको भुजमा भूकम्पपछिको पुर्ननिर्माणको अवस्था बारेमा जानकारी लिन पुग्नुभएका अध्यक्ष प्रचण्ड । भुजको भिमासार, आरटीओ, जी.के. जनरल हस्पिटल, पुरानो बजार क्षेत्र मा भएका पुर्नर्निमाण सम्बन्धी अवलोकन गर्नुभयो । साथै स्थानीय जनताले भव्य स्वागत गरे । अध्यक्ष प्रचण्डले यो अवलोकन भ्रमणले नेपालको भूकम्पले क्षतिग्रस्त क्षेत्रमा पुर्ननिर्माणको लागि योजना तर्जुमा गर्नको लागि ठूलो सहयोग मिल्ने विश्वास आफूलाई भएको बताउनुभयो । उहाँले विस्तृत रुपमा कसरी यो पुर्नर्निमाण प्रक्रिया सम्भव भयो भन्ने बारेमा जिज्ञाशा राख्नुभयो । गुजरात सरकारकी प्रशासन प्रमुख अन्जु शर्मा, कज जिल्लाका प्रशासन प्रमुख र स्थानीय प्रशासनका पदाधिकारीहरुले विस्तृत रुपमा जानकारी गराएका थिए । संविधानप्रति भारतको चासो भारत भ्रमण सफल भएको भन्दै प्रचण्डले आफूले नेपालको संविधान निर्माण तथा विकासका लागि भारतको अझै सहयोग र सदभाव आवश्यक परेको र त्यो पाउने आशा राखेको बताए । संविधानसभाबाट अब बन्ने नयाँ संविधानको बारेमा भारतीय प्रधानमन्त्री र राष्ट्रपतिले चासो राखेको प्रचण्डले बताए । छिटोभन्दा छिटो संविधान बनाउने कुरामा जोड दिँदै भारतीय प्रधानमन्त्री सकेसम्म सबैको सहमतिबाट संविधान बनाउन सुझाव दिएको उनले बताए । संविधानको मस्यौदा जनतामाझ पुगिसेकेकोमा भारतीय राष्ट्रपतिले आफूलाई बधाइ नै दिएको प्रचण्डले जानकारी दिए । हिजो पनि नेपाललाई भारतको सहयोग र सदभाव रहेको भन्दै अहिले अझ बढी सहयोग र सद्भावको खाँचो रहेको आफूले भारतीय प्रधानमन्त्री मोदीसँग आग्रह गरेको प्रचण्डले जानकारी दिए । भारत भ्रमणका क्रममा आफूले भूकम्पले गुजरातमा पुर्‍याएको क्षतिको पुनर्निर्माणबारे अवलोकन गरेको प्रचण्डले जानकारी दिए । प्रवासी संगठनमाथिको प्रतिबन्ध हटाउन माग भारतमा जनयुद्धकालमा लगाइएको केही संगठनहरुमाथिको प्रतिबन्धअझै फुकुवा नगरिएकोबारे आफूले मोदीसँग कुरा राखेको प्रचण्डले बताए । अखिल भारत नेपाली एकता समाजमाथि अझै पनि प्रतिबन्ध कायमै रहेकोबारे जानकारी गराउँदा सबैजना अचम्मित भएको उनले बताए । प्रचण्डले भारतमा बस्ने नेपालीहरुको समस्याका बारेमा पनि छलफल र कुराकानी भएको बताए ।