Nepalikokhabar

विजय घिमिरे जन र धन दुवैको जोखिम नलिनुनै बेस एक महिनाअघि मध्य अमेरिकामा रहेको देश कोस्टारिकामा ८ नेपाली पक्राउ परे। संयुक्त राज्य अमेरिका छिरेर सुखी जीवन बिताउने सपना लिएर ती युवा मध्य-अमेरिका पुगेका थिए। अमेरिका पुग्ने सपना कोस्टारिको जेलमा पर्दा पनि रोकिएन। कोस्टारिकाले ती नेपालीलाई फिर्ता लैजान वासिंटन डीसीस्थित नेपाली दूतावासमा पत्राचार गर्‍यो। ती नेपाली नागरिक हुन या होइनन्, यो पुष्टिका लागि फारम भरेर पठाईदिन डीसी दूतावासले जवाफ पठायो। यी युवाहरुको अमेरिका छिर्ने चाहना समाप्त भएको थिएन। दूतावासको फारममा जथाभावी विवरण भरेर पठाईदिए। पक्राउ परेका ८ जना मध्ये ५ जनाले एउटै थर थापा लेखेका थिए। नेपालको ठेगाना कलैया, बारा मात्र भरेका थिए। ती युवा नेपाल फर्किने नदेखेपछि कोस्टारिकाले अमेरिका जान खोजेका रहेछन् भन्ने बुझेर केही दिनअघि छाडिदियो। दूतावासका अधिकृत भन्छन्, ‘जेलवाट छाडिएको खबर त दूतावासमा आयो तर, अहिले कहाँ पुगेका छन्, कुनै जानकारी छैन।’ गैरकानुनी रुपमा मानव तस्कर मार्फत अमेरिका आउन दुस्साहस गर्नु ज्यान र धन दुवै जोखिममा पार्नू हो। नेपालमा संसदीय समितिले यसरी अमेरिका ...

साउदी अरेविया क्यानाडा भारत गैरकानुनी रूपमा अमेरिका छिरेकोमा पश्चाताप विजय घिमिरे र विकासराज न्यौपाने टेक्सास, साउन किरण (इमिग्रेसन अदालतमा मुद्दाका कारण नाम परिवर्तन) आठ महिनाअघि दलाल मार्फत विभिन्न देश हुँदै मेक्सिकोको बाटो भएर गैरकानुनी रुपमा अमेरिका छिरेका थिए। ‘हण्डर खाएपनि अमेरिका पुग्ने लक्ष्य त पुरा भयो। तर, अहिले उनलाई पश्चाताप भईरहेको छ। यहाँ घण्टा हानेर आउँदा लागेको ऋण कहिले तिर्ने, परिवार भेट्ने कहिले, विथ्थामा आइएछ,’ उनले भने। मेक्सिकोवाट आउने कति भेटिन्छन्? यो प्रश्नमा किरण भन्छन् , ‘धेरै छन् हाम्रो जिल्ला (मध्यपश्चिमको एक जिल्ला) मा पहिला केटाहरू माओवादीले सिध्याईदियो अहिले डीवी दलालले। डीवी अर्थात धनवहादुर किरणलाई अमेरिकासम्म ल्याईदिने नेपाली दलालको नाम हो।’ ‘पोखरा वाग्लुङ तिर अर्को आरके दलाल छ अनी काठमाडौंमा पनि एउटा छ,’ किरणले भने, ‘यिनीहरुले हुलका हुल ल्याएका छन, कति आउँदै होलान्।’ किरण पौडिन जान्दैनन्। तर, मेक्सिकोको दलालले सानो मोटरको ट्युव दिएर पारी जान भन्यो। नदि त्यत्ति फराकिलो थिएन हातले खियाउँदै पारी अमेरिकास्थित टेक्सास राज्यको भुमिमा प...

९रमेश लम्साल० काठमाडौँ, १४ साउन । काठमाडौँ–तराई मधेस द्रुत मार्ग नेपाल सरकारले बनाउने कि विदेशी लगानीकर्ता कम्पनीलाई जिम्मा दिने भन्ने विषयमा सांसदहरुबीच मत बाझिएको छ । व्यवस्थापिका–संसद् मातहतको विकास समितिको आजको बैठकमा केही सांसदले राष्ट्रिय गौरवको आयोजनाका रुपमा रहेको सो आयोजनालाई सरकारले नै अगाडि बढाउनुपर्ने धारणा राख्नुभएको थियो भने केही सांसदले निश्चित मापदण्ड र कडा सर्त राखेर भए पनि आगामी पाँच वर्षभित्र आयोजना सम्पन्न गर्न विदेशी कम्पनीलाई नै दिनुपर्ने बताउनुभएको थियो । हुलाकी सडकमा भारत सरकारको लगानी र भारतीय ठेकेदार नै भए पनि समयमा काम नभएपछि सरकारले आफैँ अगाडि बढाउनुपर्ने बाध्यता आइपरेको सन्दर्भमा विदेशी कम्पनीले काम गर्न नसक्ने भन्दै सांसद वैजनाथ चौधरीले सरकारले नै काठमाडौँ–तराई मधेस द्रुत मार्ग अगाडि बढाउनुपर्ने धारणा राख्नुभयो । नेपालको प्राविधिक क्षमता सबल नभएको तथा आर्थिक स्रोत नभएका कारण विदेशीलाई दिन लागिएको हो वा के हो भन्ने प्रष्ट पार्नुपर्ने प्रश्न थियो अर्का सांसद गणेश पहाडीको । पहाडीले भन्नुभयो – “सरकारले आयोजनालाई अनुदान पनि दिने र प्रयोगकर्तासँग रकम ...

Kathmandu, July 30: Lawmakers were found divided on the modality of constructing the Kathmandu-Terai Fast Track - whether to allocate the responsibility to foreign company or to the government itself. At the meeting of the Development Committee under the Legislature-Parliament today, some lawmakers pointed out the need of constructing the national pride project by the government itself while some other lawmakers opined for allocating the responsibility to the foreign companies by putting strong conditions so that the project could be constructed within five years. Lawmaker Ganesh Pahadi stressed on the need of making clear provision on the modality of the project’s construction. Lawmaker Bhakta Bahadur Khapangi urged to construct the project by the government itself as such projects were confined in the paper for past 20 years. Similarly, Lawmakers Lali Jung Shahi, Lal Bahadur Ale, Shiva Ji Yadav and Amarsing Pun said that the project should be constructed by the government ...

काठमाडौँ, १३ साउन । सातवटा विश्वविद्यालयमा रिक्त हुन लागेका उपकुलपति पदमा नियुक्तिका लागि नेपाल प्रजातन्त्रवादी प्राध्यापक सङ्घले विभिन्न प्राध्यापकको नाम सिफारिस गरेको छ । यही साउन २३ गतेदेखि रिक्त हुने त्रिभुवन विश्वविद्यालय, नेपाल संस्कृत विश्वविद्यालय, पूर्वाञ्चल विश्वविद्यालय, मध्यपश्चिमाञ्चल विश्वविद्यालय, सुदूरपश्चिमाञ्चल विश्वविद्यालय, पोखरा विश्वविद्यालय र वन तथा कृषि विश्वविद्यालयको उपकुलपतिका लागि सङ्घले नाम सिफारिस गरेको हो । यी सबै विश्वविद्यालयका उपकुलपतिको कार्यकाल यही साउन २२ गतेदेखि सकिन लागेको छ । नेपाली काँग्रेस निकटका प्राध्यापक आबद्ध रहेको सङ्घले सबै रिक्त पदका लागि आफ्नो तर्फबाट नामावली तयार पारेर काँग्रेसबाट शिक्षामन्त्री हुनु भएकी चित्रलेखा यादवलाई सिफारिस गरेको सङ्घका कोषाध्यक्ष विष्णु पोख्रेलले जानकारी दिनुभयो । सङ्घले त्रिभुवन विश्वविद्यालयको उपकुलपतिका लागि प्राथमिकताका आधारमा क्रमशः वासुदेव घिमिरे, गुणनिधि न्यौपाने, तीर्थ खनियाँ, अम्वराज जोशी, गोविन्दप्रसाद आचार्य, चन्द्रलाल श्रेष्ठ र रेणुका जोशीको नाम सिफारिस गरेको छ । त्यसैगरी नेपाल संस्कृत व...

भारतको गुजरात राज्यको भुजमा भूकम्पपछिको पुर्ननिर्माणको अवस्था बारेमा जानकारी लिन पुग्नुभएका अध्यक्ष प्रचण्ड । भुजको भिमासार, आरटीओ, जी.के. जनरल हस्पिटल, पुरानो बजार क्षेत्र मा भएका पुर्नर्निमाण सम्बन्धी अवलोकन गर्नुभयो । साथै स्थानीय जनताले भव्य स्वागत गरे । अध्यक्ष प्रचण्डले यो अवलोकन भ्रमणले नेपालको भूकम्पले क्षतिग्रस्त क्षेत्रमा पुर्ननिर्माणको लागि योजना तर्जुमा गर्नको लागि ठूलो सहयोग मिल्ने विश्वास आफूलाई भएको बताउनुभयो । उहाँले विस्तृत रुपमा कसरी यो पुर्नर्निमाण प्रक्रिया सम्भव भयो भन्ने बारेमा जिज्ञाशा राख्नुभयो । गुजरात सरकारकी प्रशासन प्रमुख अन्जु शर्मा, कज जिल्लाका प्रशासन प्रमुख र स्थानीय प्रशासनका पदाधिकारीहरुले विस्तृत रुपमा जानकारी गराएका थिए । संविधानप्रति भारतको चासो भारत भ्रमण सफल भएको भन्दै प्रचण्डले आफूले नेपालको संविधान निर्माण तथा विकासका लागि भारतको अझै सहयोग र सदभाव आवश्यक परेको र त्यो पाउने आशा राखेको बताए । संविधानसभाबाट अब बन्ने नयाँ संविधानको बारेमा भारतीय प्रधानमन्त्री र राष्ट्रपतिले चासो राखेको प्रचण्डले बताए । छिटोभन्दा छिटो संविधान बनाउने कुरामा जोड...

काठमाडौँ, ४ साउन । भारत सरकारले नेपाल र भारतबीच रहेको सीमा समस्या समाधान गर्न तयार रहेको विश्वास दिलाएको छ । साताव्यापी भारत भ्रमणमा जानुभएका एकीकृत नेकपा (माओवादी) का अध्यक्ष पुष्पकमल दाहाललाई भारतका प्रधानमन्त्री नरेन्द्र मोदी, विदेश मन्त्री सुष्मा स्वराजले सो विश्वास दिलाउनुभएको हो । संविधान लेखनमा भारतको साथ प्रमुख चार राजनीतिक दलको सहमतिमा संविधान लेखन प्रक्रियाले गति लिएको भन्दै भारतीय राष्ट्रपति, भारत सरकार, राजनीतिक दल तथा बुद्धिजीवीले आफूलाई बधाई दिएको अध्यक्ष दाहालले बताउनु भयो । भारतीय प्रधानमन्त्रीले सबै पक्षलाई मिलाएर लैजान सुझाव दिनुभएको र अन्य नेताहरुको समेत सोही आशय रहेको आफूले पाएको उहाँले उल्लेख गर्नु भयो । भूकम्पले ध्वस्त पारेको गुजरात भ्रमणबाट आफूले नेपालको पुनःनिर्माण कसरी गर्न सकिन्छ भन्ने शिक्षा लिएको समेत अध्यक्ष दाहालले सञ्चारकर्मीलाई बताउनुभयो । गत असार २९ गते अध्यक्ष दाहाल भारत भ्रमणमा जानुभएको थियो । रासस

काठमाडौ, श्रावण २ - महाभूकम्पलगत्तै अमेरिकाले नेपालीलाई ‘टेम्पोररी प्रोटेक्टेड स्टाटस (टीपीएस)’ घोषणा गर्‍यो । सन् २०१६ डिसेम्बरसम्म लागू हुने टीपीएस यस्तो सुविधा हो, भिसाबिनै पुगेका वा बसेका नेपालीले श्रम इजाजत पाउनेछन् । उनीहरूलाई स्थायी बसोबास (ग्रिन कार्ड) को आवेदन दिन मौकासमेत दिइनेछ । अमेरिका जाने सिलसिलामा अवैध रूपमा कोलम्बियाको राजधानी बोगोटा पुगेका नेपालीसहित विभिन्न मुलुकका व्यक्तिसँग बयान लिन अध्यागमनका कर्मचारी (मास्क लगाएका) लाई सघाउँदै छत्रबहादुर मैनाली । नेपाली वा हिन्दी मात्र बोल्नेसँग बयान लिन गाह्रो परेका अवस्थामा अध्यागमनल यसैलाई भजाउँदै ‘अमेरिका लगिदिन्छु’ भनेर कुनै दलालले तपाईंसँग पैसा झारिसकेको त छैन नि ? छैन भने, ठीकै छ । नत्र सावधान रहनुहोस्, यो धन्दा मौलाइसकेको छ । ल्याटिन अमेरिकी मुलुक कोलम्बियामा यो साता मात्र तीन जना नेपाली पुर्‍याइए । त्यहीं घरजमसहित व्यवसाय गर्दै आएका सिन्धुलीका छत्रबहादुर मैनालीका अनुसार राजधानी बोगोटाको रियल स्टार होटलमा उनीहरूलाई राखिएको थियो । उनीहरू बाँके, दाङ र रूपन्देहीका हुन् । बैंककबाट मलेसिया, त्यहाँबाट दुबई हुँदै अलमल्या...

काठमाडौँ, २ साउन । हेटौँडा–कुलेखानी खण्डको दोस्रो प्रसारण लाइन निर्माण सम्पन्न भएको छ । प्रसारण लाइन निर्माणमा जग्गा प्राप्ति र मुआब्जा वितरणको समस्या भइरहेका बेला विद्युत् भार कटौतीलाई हल गर्न महत्वपूर्ण मानिएको सो आयोजना हालै सम्पन्न भएको हो । ३२ किमी लामो सो प्रसारण लाइन १३२ किलोभोल्ट क्षमताको हो । हेटौँडाबाट मातातीर्थ हुँदै काठमाडौँको स्युचाटार जोडिएको सो प्रसारण लाइनले पूर्वाञ्चलको विद्युत् सहज रूपमा राजधानी ल्याउन र पश्चिमाञ्चलबाट काठमाडौँ आएको विद्युत्लाई पूर्व लैजान सहज भएको छ । स्युचाटारमा सवस्टेसनसमेत निर्माण सम्पन्न भएकाले विद्युत् भार कटौती घटाउन केही सहज भएको हो । सरकारले गत आर्थिक वर्षमा सम्पन्न गरेका ऊर्जा क्षेत्रसँग सम्बन्धित कार्य प्रगति विवरणअनुसार निर्माणाधीन ४० वटा प्रसारण लाइनमध्ये सो प्रसारण लाइन सम्पन्न भएकोे छ । अधिकांश प्रसारण लाइन निर्माणमा मुआब्जा वितरण र जग्गा प्राप्तिको समस्या बल्झिँदै आएको भए पनि त्यसलाई समाधान गर्न सरकारले नीतिगत व्यवस्था गरेको छ । कुल खिम्ती ढल्केबर प्रसारण लाइन निर्माण प्रक्रिया सबैभन्दा बढ्ता जटिलतामा फसेको छ । सिन्धुलीमा छ...

काठमाडौँ, १ साउन । भारतले सबै पक्षको सहमतिमा तत्काल संविधान निर्माण प्रक्रियालाई निष्कर्षमा पु¥याएर आर्थिक समृद्धिको मार्गमा मुलुकलाई अगाडि बढाउन नेपाली राजनीतिक दललाई आग्रह गरेको छ । एकीकृत नेकपा(माओवादी)का अध्यक्ष पुष्पकमल दाहाल र भारतीय प्रधानमन्त्री नरेन्द्र मोदीबीच आज सेभेन रेसकोर्षमा भएको भेटवार्तामा सबै पक्षलाई सहमतिमा ल्याएर संविधान जारी गर्न र आर्थिक विकासको मार्गमा अगाडि बढ्न नेपालका दलहरुलाई भारतीय प्रधानमन्त्रीले आग्रह गर्नुभएको हो । सबै पक्षको सहमतिमा संविधान जारी गर्न अध्यक्ष दाहाललाई आग्रह गर्दै प्रधानमन्त्री मोदीले त्यसका लागि हरप्रकारको सहयोग गर्न भारत सरकार तयार रहेको बताउनुभएको थियो । शान्ति प्रक्रियालाई तार्किक निष्कर्षमा पु¥याउन एमाओवादी र त्यसको नेतृत्वको हैसियतले अध्यक्ष दाहालले खेलेको भूमिकाको उच्च प्रशंसा गर्दै प्रधानमन्त्री मोदीले सबै पक्षलाई सहमतिमा ल्याएर संविधान जारी गर्नसमेत सफल हुने विश्वास व्यक्त गर्नुभएको थियो । पछिल्लो समय संविधान निर्माण प्रक्रियाले गति लिएकामा भारतीय प्रधानमन्त्रीले अध्यक्ष दाहालसँग खुसी व्यक्त गर्नुभएको थियो । नेपालको...

काठमाडौँ, १ साउन । अर्थमन्त्री डा रामशरण महतले सरकारले व्यवस्थापिका–संसद्मा प्रस्तुत गरेको चालु आवको बजेटलाई पूर्णरुपमा कार्यान्वयन गर्न मातहतका विभाग र कार्यालय प्रमुखलाई निर्देशन दिनुभएको छ । अर्थ मन्त्रालयमा आज आयोजित कार्यक्रममा मातहतका कार्यालय प्रमुखलाई निर्देशन दिँदै उहाँले बजेटको आकार ठूलो भएको हुँदा कार्यान्वयन चुनौतीपूर्ण रहेकाले त्यसतर्फ ध्यान दिन आग्रह गर्नुभयो । अर्थमन्त्री डा महतले भन्नुभयो, “बजेटको कार्यान्वयन चुनौतीपूर्ण छ । कार्यान्वयनमा पनि सक्रिय भूमिका निर्वाह गर्नु आवश्यक छ । नत्र बजेट जतिसुकै राम्रो भए पनि सोचेजस्तो नतिजा प्राप्त हुन सक्दैन ।” बजेटमा जतिसुकै धेरै कार्यक्रम राखे पनि सबैका माग पूरा हुन नसक्ने भन्दै उहाँले एकै वर्षको बजेटबाट सबै कुरा पूरा गर्न नसकिने बताउनुभयो । भूकम्पअघिको आर्थिक वृद्धिको प्रक्षेपण प्रस्तुत गर्दै उहाँले लगातार पाँच प्रतिशत माथिको आर्थिक वृद्धि हासिल हुने स्थिति रहेको भए पनि हालैको प्राकृतिक विपद्ले समस्या खडा गरेको र त्यसबाट निराश भएर पछाडि हट्न पनि नसकिने भएकाले विशेष तयारीका साथ अगाडि बढ्नुपर्ने धारणा राख्नुभयो । अर्थ मन्...

सबै पक्षको सहमतिमा संविधान जारी गर्न भारतीय प्रधानमन्त्रीको आग्रह काठमाडौँ, १ साउन । भारतले सबै पक्षको सहमतिमा तत्काल संविधान निर्माण प्रक्रियालाई निष्कर्षमा पु¥याएर आर्थिक समृद्धिको मार्गमा मुलुकलाई अगाडि बढाउन नेपाली राजनीतिक दललाई आग्रह गरेको छ । एकीकृत नेकपा(माओवादी)का अध्यक्ष पुष्पकमल दाहाल र भारतीय प्रधानमन्त्री नरेन्द्र मोदीबीच आज सेभेन रेसकोर्षमा भएको भेटवार्तामा सबै पक्षलाई सहमतिमा ल्याएर संविधान जारी गर्न र आर्थिक विकासको मार्गमा अगाडि बढ्न नेपालका दलहरुलाई भारतीय प्रधानमन्त्रीले आग्रह गर्नुभएको हो । सबै पक्षको सहमतिमा संविधान जारी गर्न अध्यक्ष दाहाललाई आग्रह गर्दै प्रधानमन्त्री मोदीले त्यसका लागि हरप्रकारको सहयोग गर्न भारत सरकार तयार रहेको बताउनुभएको थियो । शान्ति प्रक्रियालाई तार्किक निष्कर्षमा पु¥याउन एमाओवादी र त्यसको नेतृत्वको हैसियतले अध्यक्ष दाहालले खेलेको भूमिकाको उच्च प्रशंसा गर्दै प्रधानमन्त्री मोदीले सबै पक्षलाई सहमतिमा ल्याएर संविधान जारी गर्नसमेत सफल हुने विश्वास व्यक्त गर्नुभएको थियो । पछिल्लो समय संविधान निर्माण प्रक्रियाले गति लिएकामा भारतीय प्रधानमन्...

(प्रकाश पन्थी) टोकियो (जापान), ३१ असार । बेसहाराको जिन्दगी जीउन कसलाई पो गाह्रो नहोला र ! त्यसमाथि पनि विदेशमा । स्वदेशमै भए पनि सहारा पाउन धेरैलाई हम्महम्मे पर्छ । बाजुराका अर्जुनबहादुर सिंह यस्तैमध्येका एक हुन् । सिंह बेसहारा मात्रै होइनन् नेपालीबाटै पीडित पनि हुन् । विदेशमा अधिकांश जसोलाई त एक मिनेट समय निकाल्नसमेत कठिन हुन्छ । त्यसमाथि पनि जापानमा । यही कठिनाइका कारण सिंहको लगातार अस्पतालको बास भएको छ । पीडितकै भनाइअनुसार मोटो रकम खर्चेर धेरै कमाउने आशमा यहाँ आएका थिए । नेपालमा खाँदै आएको अहेबको जागिर छाडेर बिराने देशमा कमाउने सपना देखेका थिए । तर भाग्यमा अर्कै रहेछ । उनका लागि जापान न त सोचे जस्तो भयो न त देखेजस्तो नै रह्यो । प्रशस्तै पैसा कमाउने आशामा रु १६ लाख खर्चेर सन् २०११ मा जापान आएका सिंह बिदामा नेपाल गएर फर्किदा आफू कार्यरत होटल बिक्री गरी सञ्चालक बेपत्ता भइदिए । त्यसपछि उनले यहाँ आफ्नो एक मात्र सहारा गुमाए । विदेशमा अलपत्र भएका उनी अन्ततः उनी रोगले थलिए र अस्पतालको शरण पुगे । “सहयोगको आशमा नागोयाबाट टोकियो त आए तर सहारा नपाउँदा अलपत्र परेँ,” अस्पतालको श्ययाबाट सास...

काठमाडौँ, २९ असार । सरकारले आगामी आर्थिक वर्षका लागि ऊर्जा क्षेत्रको विकासमा विशेष ध्यान दिँदै रु ५१ अर्ब २१ करोडको बजेट विनियोजन गरेको छ । आगामी तीन वर्षभित्र ‘उज्यालो नेपाल समृद्ध नेपाल’ बनाउने लक्ष्यका साथ सरकारले उक्त परिणामको बजेटको व्यवस्था गरेको हो । मुलुकमा जारी ऊर्जा सङ्कटलाई समाधान गर्ने ध्येयका साथ ऊर्जा क्षेत्रमा उल्लेख्य बजेटको व्यवस्था गरिएको अर्थमन्त्री डा रामशरण महतले व्यवस्थापिका–संसदमा जानकारी गराउनुभएको हो । बहुउद्देश्यीय र जलाशययुक्त विद्युत् आयोजनाको पहिचान अध्ययन तथा विकासलाई प्राथमिकता दिँदै नौमुरे, कर्णाली चिसापानी, सुनकोशी, माथिल्लो अरुण, आँधीखोला, उत्तरगङ्गा आयोजनाको अध्ययन कार्यलाई प्राथमिकताका साथ अगाडि बढाइने लक्ष्य राखिएको छ । निर्यातमूलक आयोजनाको रुपमा रहेको तामाकोशी तेस्रो र ४०० मेगावाटको मस्र्याङ्दी जलविद्युत् आयोजनाको निर्माणका लागि प्रवद्र्धकहरुसँग वार्ता गर्ने र आगामी वर्ष सम्झौता गरिने उल्लेख छ । वैदेशिक रोजगारीमा गएका युवालाई समावेश गरी उनीहरुको लगानीमा विप्रेषण हाइड्रोको अवधारणालाई अगाडि बढाइनेछ । विप्रेषणलाई उत्पादनशील क्षेत्र र पूँज...

संविधान लेखनलाई पूर्णता दिन राष्ट्र सङ्घ, चीन र भारतको सद्भाव आवश्यक काठमाडौँ, २९ असार । एकीकृत नेकपा(माओवादी)का अध्यक्ष पुष्पकमल दाहालले संविधान लेखन प्रक्रियामा छिमेकी मुलुकको सद्भावका लागि आफू भारत भ्रमणमा जान लागेको बताउनुभएको छ । त्रिभुवन अन्तर्राष्ट्रिय विमानस्थलमा आज आयोजित पत्रकार सम्मेलनमा उहाँले शान्ति प्रक्रिया र संविधान लेखनको कामलाई पूर्णता दिन संयुक्त राष्ट्र सङ्घ, चीन र भारतको सद्भाव आवश्यक रहेकाले भ्रमण सोही दिशामा केन्द्रित हुने बताउनुभयो । भ्रमणलाई राजनीतिक रुपमा मात्रै लिन आग्रह गर्दै उहाँले भन्नुभयो, “भ्रमणका क्रममा दुई देशको सम्बन्धलाई अझ नयाँ उचाइमा उठाउन केन्द्रित हुनेछ ।” भारत भ्रमणमा रहँदा आफूले सीमा समस्याका विषयमा विशेष रुपमा कुरा उठाउने पनि उहाँले बताउनुभयो । पछिल्लो दिनमा ‘लिपुलेक’के सम्बन्धमा उठेका विषयलाई समाधान गर्न आफूले पहल गर्ने उल्लेख गर्दै अध्यक्ष दाहालले भन्नुभयो, “लिपुलेक नेपालको भूमि हो भन्नेमा धेरैको समान मत छ, मुलुकभित्र उठेका धारणाका आधारमा म भारत सरकार र प्रधानमन्त्रीसँग समस्या समाधानका लागि आग्रह गर्छु ।” लिपुलेकको मात्रै नभई नेपाल...

काठमाडौँ, २९ असार । राष्ट्रिय समाचार समिति (रासस)को महाप्रबन्धक श्रीरामसिंह बस्नेतले उमेर हदका कारण अनिवार्य अवकाश लिनुभएको छ । रासस केन्द्रीय कार्यालयमा आज एक कार्यक्रम आयोजना गरी उहाँलाई औपचारिक रुपमा बिदाइ गरियो । विसं २०४४ जेठ १८ गते अधिकृतस्तर छैटौंँ तह, नेपाली सम्पादन शाखाबाट रासस सेवामा प्रवेश गर्नुभएका बस्नेतले २८ वर्ष एक महिना सात दिनको सेवापछि यही असार २५ गते महाप्रबन्धक पदबाट अनिवार्य अवकाश लिनुभएको हो । सो अवसरमा राससका अध्यक्ष कुलचन्द्र वाग्लेले राससको सुदृढीकरण, व्यावसायिक विकास तथा मुलुकको पत्रकारिता क्षेत्रको विश्वसनीयता अभिवृद्धि गर्न महाप्रबन्धक बस्नेत जस्तो व्यक्तित्वको खाँचो राससलाई सधैँ पर्ने बताउनुभयो । “राससलाई सुदृढ एवम् सशक्त तुल्याउन यहाँ कार्यरत केन्द्रदेखि जिल्लासम्मका कर्मचारी एवम् जिल्ला समाचारदाताबीच एकता र सद्भावपूर्ण हातेमालो हुनुपर्छ, संस्थाको महाप्रबन्धक हुने अवसर संस्थामा लामो समय काम गरेका वरिष्ठ व्यक्तित्वले पाउनुपर्छ”–उहाँले भन्नुभयो । अनिवार्य अवकाश पाउनुभएका महाप्रबन्धक बस्नेतले राससमा धेरै अवसर र थोरै चुनौती रहे पनि समाजमा समाचार...

भूकम्प र प्रतिकूल मौसमः आर्थिक वृद्धिमा बाधक काठमाडाँै, २७ असार । चालु आर्थिक वर्षमा प्रतिकूल मौसमका कारण कृषि उत्पादकत्वमा ह्रास आउदा मुलुकको आर्थिक वृद्धि लक्ष्यअनुरुप हुन सकेन । आर्थिक वर्षको उत्तरार्धतिर भूकम्पन भइ उत्पादन र सेवा क्षेत्रका पूर्वाधारमा व्यापक क्षति भएपछि आर्थिक वृद्धिको बाटोमा थप अवरोध उत्पन्न भएको हो । सरकारले आज व्यवस्थापिका–संसद्मा पेस गरेको आर्थिक वर्ष २०७१÷७२ को आर्थिक सर्वेक्षणअनुसार चालु आवमा कृषि क्षेत्रको उत्पादन १.९ प्रतिशतले बढ्ने अनुमान छ । गत आर्थिक वर्षमा सो क्षेत्रको उत्पादन २.९ प्रतिशतले बढेको थियो । अघिल्लो आवमा ६.३ प्रतिशतले बढेको गैरकृषि क्षेत्र चालु आवमा ३.६ प्रतिशतले बढ्ने अनुमान छ । गैरकृषि क्षेत्रमध्ये चालु आवमा उद्योग तथा सेवा क्षेत्रको उत्पादन क्रमशः २.६ प्रतिशत र ३.९ प्रतिशतले बढ्ने अनुमान छ । अघिल्लो वर्ष उद्योग तथा सेवा क्षेत्रको वृद्धिदर क्रमशः ६.२ प्रतिशत र ६.३ प्रतिशत थियो । त्यसैगरी मुलुकको अर्थतन्त्रमा संरचनागत परिवर्तन भइरहेको, कुल गार्हस्थ्य उत्पादनमा कृषि र उद्योग क्षेत्रको योगदान घट्दै गएको,सेवा क्षेत्रको योगदान केही बढेको त...

प्रत्यक्ष निर्वाचित कार्यकारीसहितको शासकीय स्वरुप नै उपयुक्त : नेता भट्टराई ‘हामीले संकीर्णता, जडता र यान्त्रिकता छोड्न सक्नुपर्छ’ काठमाडौं, २७ असार । एकीकृत नेकपा माओवादीका नेता डा. बाबुराम भट्टराईले नयाँ संविधानमा प्रत्यक्ष निर्वाचित कार्यकारीसहितको शासकीय स्वरुपको व्यवस्था गर्नु नै उपयुक्त हुने बताउनुभएको छ । काठमाडौंमा अखिल (क्रान्तिकारी)ले आयोजना गरेको राजनीतिक प्रशिक्षण कार्यक्रममा नेता भट्टराईले भन्नुभयो – ‘जनतालाई परिवर्तनको प्रत्याभुति गराउनको निम्ति प्रत्यक्ष निर्वाचित राष्ट्रपति वा प्रधानमन्त्रीको व्यवस्था गर्नु उपयुक्त हुन्छ ।’ उहाँले अहिले संविधानको मस्यौदा जनताको बीचमा गएकाले यो बीचमा जनमत सिर्जना गर्नुपर्ने बताउनुभयो । उहाँले भन्नुभयो – ‘शासकीय स्वरुपको विषयमा सकेसम्म सच्याउनु बुद्धिमानी हुन्छ । प्रत्यक्ष निर्वाचित राष्ट्रपति, नभए प्रत्यक्ष निर्वाचित प्रधानमन्त्री भए पनि व्यवस्था गर्नुपर्छ ।’ संघीयताको विषयलाई पनि सीमांकनसहित अहिले नै टुंग्याएर जानु उपयुक्त हुने उहाँले बताउनुभयो । आफूहरुले सीमांकनसहितकै संघीयता खोजेको स्पष्ट पार्दै उहाँले अहिले सबैतिरबाट सीमांकनसह...

सांसदका सुझावले सरकारलाई मार्गनिर्देश गर्नेछ ः प्रधानमन्त्री काठमाडौँ, २७ असार । प्रधानमन्त्री सुशील कोइरालाले सरकारका नीति तथा कार्यक्रममा सांसद्हरूबाट प्राप्त रचनात्मक सुझावलाई ग्रहण गर्दै तिनले नेपाल सरकारलाई मार्गनिर्देश गर्ने बताउनुभएको छ । प्रधानमन्त्रीले धन्यवादको प्रस्तावद्वारा राष्ट्रपतिबाट गरिएको सम्बोधनमा उल्लिखित आर्थिक वर्ष २०७२÷७३ का लागि नेपाल सरकारको नीति तथा कार्यक्रममाथिको छलफलको क्रममा उठेका प्रश्नको व्यवस्थापिका–संसद्मा आज जवाफ दिँदै उक्त कुरा बताउनुभएको हो । “नीति तथा कार्यक्रममा प्राप्त सल्लाह र सुझावले सरकारलाई मार्गदर्शन गरेको छ, विपक्षीका टिप्पणीलाई सरकारले सकारात्मक रुपमा लिएको छ”, उहाँले भन्नुभयो । विपद्को वर्तमान अवस्थामा सबैले सहकार्यका साथ अघि बढ्नुपर्नेमा जोड दिँदै उहाँले ऐतिहासिक महत्वका सम्पदाको पुनर्निर्माण, क्षतिग्रस्त भौतिक संरचनालाई भूकम्पप्रतिरोधी तुल्याउने तथा पुनर्निर्माण प्राधिकरण तत्काल गठन गरी त्यसले प्राथमिकता निर्धारण गरेर पुनर्निर्माणका काम प्रभावकारीरुपमा सम्पादन गर्ने बताउनुभयो । मुलुकको शान्ति, स्थायित्व र संविधान अहिलेको प्राथमि...

एमाओवादीका शीर्ष नेता आरोप प्रत्यारोपमा काठमाडौँ, २७ असार । एकीकृत नेकपा(माओवादीका)मा विवाद बढेको चर्चा चलिरहँदा आज यहाँ आयोजित कार्यक्रममा सार्वजनिक रुपमै सो पार्टीका नेताहरु एकापसमा आरोप प्रत्यारोपमा उत्रिएका छन् । अखिल नेपाल राष्ट्रिय स्वतन्त्र विद्यार्थी युनियन(अनेरास्ववियु)ले आज आयोजना गरेको ‘राजनीतिक प्रशिक्षण तथा राष्ट्रिय श्रम अभियानकर्मी सम्मान’ कार्यक्रममा एमाओवादी अध्यक्ष पुष्पकमल दाहाल र वरिष्ठ नेता डा बाबुराम भट्टराईले एकापसमा घोचपेच गर्नुभएको हो । अध्यक्ष दाहालले पार्टी बुर्जुवाकरणतर्फ अग्रसर भइरहेको भन्दै यसले निरन्तरता पाए पार्टी नै विघटन हुनसक्ने चेतावनी दिनुभयो । उहाँले भन्नुभयो, “पार्टीभित्र गुटैगुट बन्ने क्रम चलेको छ, नेतापिच्छे गुट छन्, एउटै जिल्लामा आठ वटासम्म समानान्तर कमिटी छन्, यो कम्युनिष्ट चरित्र होइन, बुर्जुवा चरित्र हो ।” उहाँले नेता भट्टराईतर्फ सङ्केत गर्दै अब समाजवादी क्रान्ति गर्नुपर्छ भन्ने, नयाँ पार्टी बनाउनुपर्छ भन्ने तर व्यवहारमा समानान्तर कमिटी गठन गर्ने भन्दै व्यङ्ग गर्नुभयो । अध्यक्ष दाहालले भन्नुभयो, “हामीबीच कार्यदिशा र कार्यनीतिमा एकमत छ...

प्रेसमैत्री संविधान बनाउन महासङ्घको सभाध्यक्षसँग माग काठमाडौँ, २७ असार । संविधानसभाका अध्यक्ष सुवास नेम्वाङले अहिले मुलुक संविधान लेखनको सङ्घारमा रहेको बताउँदै अब एक मिनेट पनि ढिला नगरी संविधान जारी हुने विश्वास व्यक्त गर्नुुभएको छ । नेपाल पत्रकार महासङ्घले नयाँ संविधानको मस्यौदामा प्रेस तथा अभिव्यक्ति स्वतन्त्रतालाई सङ्कुचन र आँच पु¥याउने बुँदाहरु हटाउन र सञ्चारमैत्री संविधान बनाउन दिएको सुझावहरु ग्रहण गर्दै उहाँले सो कुरा बताउनुभएको हो । संविधानसभाले ऐतिहासिक रुपमा संविधानको प्रारम्भिक मस्यौदा निर्माण गरेर सुझाव लिन जनताको घरदैलोमा पु¥याएकाले संविधान निर्माण हुनेमा सबैमा आशा पलाएको उहाँले उल्लेख गर्नुभयो । महासङ्घको अीभव्यक्ति स्वतन्त्रता र आमसञ्चारको हकसम्बन्धी टिप्पणी तथा सुझावलाई अघि बढाउन आफूबाट सक्दो पहल र प्रयास हुने प्रतिबद्धतासमेत उहाँले सो अवसरमा व्यक्त गर्नुभयो । उहाँले भन्नुभयो – “निरन्तर रुपमा संविधान लेखनको प्रक्रियामा चासो देखाउनुभएको छ । लोकतन्त्रको स्थापना र निरङ्कुशताविरुद्धको आन्दोलनमा सडकदेखि सर्वोच्च अदालतको प्राङ्गणसम्म सङ्घर्षमा उत्रेको महासङ्घको योगदान...