काठमाडौँ । १८ वर्षभन्दा बढी समय अष्ट्रेलियन कम्पनी स्मेकले होल्ड गरेको पश्चिम सेती जलविद्युत् आयोजना फेरि चिनियाँ कम्पनीको पासोमा फसेको छ । चिनियाँ कम्पनी थ्री गर्जेजको सहायक कम्पनी सिडब्ल्युइआईसँग सन् २०१२ मा समझदारी भएपछि हालसम्म कुनै पनि ठोस प्रगति हुन सकेको छैन । लामो समय नेपाल विद्युत् प्राधिकरण र लगानी बोर्डबीच आवश्यक समन्वय हुन नसक्दा रोकिएको आयोजना गत वर्ष संयुक्त कम्पनी खोल्ने सम्झौतामा हस्ताक्षर भएपछि केही अगाडि बढ्ला कि भन्ने आश पलाएको थियो । प्राधिकरण र सिडब्ल्युइआईका प्रतिनिधिबीच भएको सम्झौतालाई प्राधिकरणको सञ्चालक समितिको बैठकले पारित गरिसकेको छ । तर चिनियाँ पक्षले हालसम्म कुनै चासो देखाएको छैन । थ्री गर्जेजका नेपाली प्रतिनिधि प्रविन श्रेष्ठले थ्री गर्जेजको सञ्चालक समितिले अनुमोदन गरेको भन्ने सुनिएको र जानकारी आउने क्रममा रहेको बताए । थ्री गर्जेजले आयोजनाबाट उत्पादित विद्युत् प्राधिकरणले खरिद गर्नुपर्ने शर्त राखेको थियो । सो सर्तलाई प्राधिकरणले स्वीकार गरेको छ । त्यसैगरी, मुआब्जा वितरण, प्रभावितको व्यवस्थापन, तथा प्रसारण लाइन निर्माणको सन्दर्भमा राखेको शर्तलाई समेत...
म पेशाले पत्रकार ।